Angovo

Ilaina ny fitsitsiana. Efa hatramin'ny ela no nifaninana ny mpanao asa tanana malagasy amin'ny famokarana fatapera mitsitsy saingy ao ireo tena tsy naharitra fa mora simba.

Nanao fikarohana maro Rarivoarison Heriniaina mirahalahy ao amin'ny Bira Factories ao Mahazoarivo Avaratra, Antanimenakely Antsirabe, ka tonga amin'ny fatapera mitsitsy pipa. Tsy mora ny fanamboarana raha ny zavatra hita maso satria mandalo famolavolana maro ireo akora fototra. « Tsy tongatonga ho azy izao fatana izao fa maro ny fanodinana sy fandroana atao ireo fatana amin'ny hafanana mihoatra ny 1200 ka hatramin'ny 1500 degre », hoy ny fanazavana nentin'ity mpamokatra ity.

Nanobmoka tamin'ny fanamboarana haingon-trano amin'ny alalan'ny tanimanga ireo mpirahalahy tamin'ny taona 1996. Rehefa nanaraka fiofanana sy fifanakalozana traikefa tamin'ny teratany vahiny izy ireo dia nanamafy ny fahaiza-manao ka tonga amin'ny fatapera mitsitsy pipa.

Tsy mandany, tsy mandoto, mora ampiasaina ary miaro ny tontolo iainana. « Mihena ny fampiasana arina mihoatra ny kitay satria mitotongana hatrany amin'ny 60% izany. Mitana hafanana sy entona kokoa ny fatana pipa. Azo ampiasaina aminy daholo ny apombo, ny kolakolankatsaka, rehefa mety ho hazo azo dorana. Raha mampiasa kitay iray kilao isika dia mamoaka hery hatramin'ny 2500 kilocalories io kanefa raha arina no dorana dia any amin'ny folo kilao any vao mahatratra izay herin'angovo izay », hoy ny fanampim-panazavana.

Tsy mbola tonga amin'ny famokarana avo lenta Rarivoarison satria mahafaty antoka azy izany. Ireo fikambanan-drelijiozy ao Antsirabe sy ireo fikambanana toy ny Tany Meva sy ny PAM. Raha fatana tsy voahodidina vy dia Ar 55 000 ny vidiny. Mantombo kosa ny sarany raha toa ka ireo fatana antsoina hoe « encastré » na « blindé » no vidiana, ka eo an'elanelan'ny Ar 100 000 ka hatramin'ny Ar 300 000 ny vidiny.

 

Farah Randrianasolo

 

 

7 votes. Moyenne 2.71 sur 5.

Commentaires (5)

1. RANDRIANARISON 26/10/2012

tena mahafinaritra ny maheno fa misy malagasy mahavita zavatra.Izahay atao ETF RASETARIVELO dia nahavita namorona paompy fampakaran-drano tsy mila angovo(pompe sans energie)afaka mampiakatra rano mandeha na loharano hatrany amin'ny 100m(hauteur verticale)debit minimal 11litre par minute.Afaka miasa 24ora mandavan'andro ary mateza.Efa ahitana azy io any amin'ireto tanana ireto:
ANJEZIKA ANKAZOBE
AMBATOLOANA MANJAKANDRIANA
ANTOBIN-TSAKALAVA ANKAZOBE

2. ANDRIANASOLO 16/11/2012

Miarahaba tompoko,
Gaga sy talanjona namaky ity site web ity ary nahita fa misy ny olona tena mikaroka sy miasa mafy mba hiarovana sy hanatsarana ny tontolo iainana. Mety azo atao ve ny mahazo ny contact an'i Bir factories any Antsirabe?
Mba mila fanampiana koa izaho avy @ RANDRIANARISON momba ilay paompy fampakarandrano tsy mila angovo?
Tena mety aminay mianakavy io, fa mba afaka omenao ve ny contact ahitana anreo ?
Misaotra mialoha ary manantena ny valinteny haingana tokoa.

3. vohizo (site web) 19/12/2012

Manaja tompoko,
Manakasitraka feno anao tompoko nitsidika ny tranonkala. Ialana tsiny indrindra raha toa ka izao vao afaka mamaly ny fanontanianao satria tsy mijery matetika ity site ity noho ny fandehanana any amin'ny toeran-kafa tsy hahazoana mailaka moa ny asa rahateo manempotra. hijerena ny momba ilay contact ary alefa aminao aoriana kely. Mamakia finaritra ireo lahatsoratra tompoko. Mirary soa ho anao tompoko.

4. All 27/01/2015

Miarahaba daholo Tompoko, mba saika hanontany le contact "MR RANDRIANARISON" momba ny devis am lay pompe fampiakarana rano , azafady

Misaotra betsaka

5. vohizo (site web) 18/03/2015

Miarahba tompoko,
Misy mpamaky ny tranokala maniry hahalala ny mombamomba anao sy ny asa ataonao. Tia hangataka "devis" mahakasika ilay paompy tsy ilana angovo izy. azo atao ve ny mahazo ny "coordonnées" ka manome azy amin'izay mila azy? Raha sitrakao ny hizarana izany amin'ny mpamaky.
Mankasitraka mialoha tompoko

Ajouter un commentaire

Vous utilisez un logiciel de type AdBlock, qui bloque le service de captchas publicitaires utilisé sur ce site. Pour pouvoir envoyer votre message, désactivez Adblock.

Créer un site gratuit avec e-monsite - Signaler un contenu illicite sur ce site

×