89,81 % ny FRE voaangona ao Vakinakaratra

Mirimorimo fatratra ny faritr’i Vakinankaratra amin’ny fanomanana ny fifidianana. Voaangona sahady ny 89,81 %n’ny takelaka fanisana ny mpifidy na ilay antsoina hoe « Fiche de Renseignement des Electeurs » (FRE) manerana ny kaominina miisa 91. Tafaverina tanteraka ny 365753 FRE amin’ny 407264 FRE. Nanantitrantitra ny lehiben’ny faritra, Razanakolona Paul fa vita alohan’ny 31 jolay ho avy izao ny lisi-pfidianana. 

Na dia eo aza ny fahasoratana amin’ny fanatanterahana ny asa noho ny tsy fahampian’ny fitaovana dia nahazo vahaolana sahady ny faritra. Novatsian’ny ministeran’ ny fanajaraiana ny tany sy ny fitsinjaram-pahefana « groupe électrogène » ny distrikan’i Mandoto ary mbola nanolotra « imprimantes » ihany koa ity ministera ity ho fanafainganana ny famitana ny lisi-pifidianana.Nampirisika ny ministra Andrianainarivelo Hajo mba hangarahara ny fampiasam-bola hahafantarana ny zavatra ampy sy tsy ampy ary hanamorana ny fijerena vahaolana.

Ankoatra izay, manomboka amin’ny faran’ity volana ity dia apetraka ny « guichet unique » hanamboarana karapanondrom-pirenena. Vita eo no ho eo ny karatra aryt maimaimpoana avokoa ny sarany.

Farah

 

Ireo takelaka fanisana ny mpifidy (Sary : MATD)

Aucune note. Soyez le premier à attribuer une note !

Créer un site gratuit avec e-monsite - Signaler un contenu illicite sur ce site